Nagsaka na sa 232 ang death toll sa Typhoon Tino samtang indi magnubo sa 25 naman ka mga persona naman ang napatay bangud sa Super Typhoon Uwan.
Suno kay Office of Civil Defense Deputy Administrator Bernardo Rafaelito Alejandro IV, may yara pa sang 112 ka mga missing kag 512 nga pilason bangud sa Bagyo Tino.
Suno diri, samtang nagarecover pa ang mga pumuluyo sa aftermath ni Tino, naglaslas naman si Uwan nga gintunaan sang madamo naman nga fatalities sa Cordillera Administrative Region (CAR).
Suno kay Alejandro, 29 ka mga persona ang pilason sa karun kun sa diin 15 ang nagikan sa CAR.
Duha man ka mga persona ang missing nagikan sa nasambit nga rehiyon.
Suno sa OCD, nagapadayon pa ang clearing operations sa mga areas nga apektado sang landslide kag ginpahayag nga wala na sa karun sang “isolated” nga mga lugar.
