Ginkumpirmar ni Ramil Madriaga sa ginpatigayon nga hearing sang Kamara ang nabaton sini nga direktiba gikan kay Vice President Sara Duterte natuhoy sa gina-alegar delivery sang tinalikdan nga Disyembre 2022, may kaangtanan sa kontrobersyal nga paggamit sang P125 million confidential funds.
Ginpaidalom si Madriaga sa clarificatory questions agud klaruhon ang mga detalye sa ginsumiter nga affidavit kag supplemental affidavit.
Nakasentro ang interogasyon sa isa ka complaint tuhoy sa kwestiyonable nga paggamit sang pondo sang gobyerno.
Direkta nga ginpamangkot ni Lanao del Sur 1st District Representative Zia Adiong si Madriaga tuhoy sa kaundan sang iya nga affidavit nga nakabaton ini sang tawag gikan sa bise presidente sang Disyembre 20, 2022 para sa paghatag sang direktiba.
Ginkumpirmar ini sang witness kag ginpahayag ang gina-alegar ginmando sa iya sang bise presidente.
Gin-ako man niya sa komitiba nga matapos ang amo nga tawag, nakabatun ini sang text message gikan kay Col. Nolasco nga nagmando sa iya nga magpadulong sa Central Office sang Department of Education (DepEd) para sa isa ka transport.
Nag-ugyon si Madriaga sa manipestasyon sang mamalidha nga ang termino nga ‘transport’ ang nagakahulugan nga ‘delivery’.
Suno kay Madriaga, sa iya pag-abot sa talatapan sang DepEd, magkaupod sila ni Col. Nolasco sang sila ang gin-abi-abi ni Col. Lachica.
Suno diri, madugay na niya nga kilala ang mga nasambit nga persona.
Dugang pa, may kaupod nga babayi si Lachica nga ginhingadlan bilang si ‘Special Disbursing Officer ukon SDO Gina Acosta sang Ahensya.
