BACOLOD CITY – Gin-athag sang Department of Education ang impormasyon nga naguwa nga-a indi tanan nga atleta nga kabahin sang delegasyon sa Palarong Pambansa 2017 nga gikan sa Bacolod ang nakabaton sang P8,000 gikan sa city government.
Suno kay Eden Ariola, assistant Athletic Manager sang Negros Island Region, nagbaton lamang sang tag-P8,000 ang mga atleta nga kabahin sang selection sang Bacolod City kun sa diin ang P6,000 nga gikan sa ciudad ang para sa ila nga training allowance, samtang ang P2,000 nga augmentation sang DepEd ang para naman sa clothing allowance sa sulod sang 30 ka adlaw.
Ang mga nagbaton lamang sang tag-P3,000 amo yadtong mga indi naman kabahin sang selection sang Bacolod City, apang bangud may pondo ginhatagan ang mga ini.
Suno kay Ariola may yara sang iban nga taga- Bacolod apang selection sang iban nga division.
Suno pa diri, ang mga coaches naman nga may nag champion nga atleta nga gikan sa Bacolod ang mga makabaton man sang P8,000.
Sa madumduman nga nag-hatag ang city government sang Bacolod sang P3.5 million nga pondo para sa mga atleta nga nakigbahin sa Palarong Pambansa sa probinsya sang Antique.
