Desisyon sang COMELEC para sa banwa sang Candoni nga nalakip sa orange category santo sa RJSCC meeting, ginahulat pa

Ginahulat pa sang Commission on Election-Negros Occidental ang resulta sang desisyon para sa banwa sang Candoni nga nalakip sa orange category santo sa ginpatigayon nga Regional Joint Security Control Center (RJSCC) meeting.

Suno kay Negros Occidental Election Supervisor Atty Ian Lee Ananoria, ila ginrekomenda nga ipaidalum sa orange category ang banwa bangod sa presenya sang rebelde nga grupo sa lugar nga mahimo maka-apekto sa eleksyon.

Mahibaluan nga sa probinsya sang Negros Occidental, ang banwa sang Candoni lamang napaidalum sa orange category samtang ang iban ang yara sa green category.

Apang, suno kay Ananoria, mahimo pa nga magbag-o ang status sang isa ka lugar nga pwede magsaka ukon manaog ang category sini.