Ginpahayag ni Department of the Interior and Local Government (DILG) Secretary Jonvic Remulla nga posible siya nga magapadalagan sa pagka-presidente sa 2028 Election.
Apang suno diri, wala pa siya sang final nga desisyon nahanungod sini.
Suno kay Remulla, kalakip sa iya ikonsiderar antes magdesisyon, ang pahanugot sang iya asawa kag kun ini ang mangin “one-on-one” fight o two-way battle.
Sang ginpammangkot kun one-on-one fight batok kay Vice President Sara Duterte ang iya ginatumod, nagsabat si Remulla nga kun indi siya, mahimo nga sanday DPWH Secretary Vince Dizon ukon Senator Chiz Escudero ang maga-atubang diri.
Samtang, ginpaathag man sini nga ang Pilipinas ang nagakinahanglan nga magpili sang magdumala nga mapatihan kag may kamatuoran.
Dugang pa sini nga kinahanglan makahibalo ang mga bontate sa kinalain sang duha ka kandidato.
