Gin-activate sang Department of Health ang isa ka Code White Alert para sa bilog nga Semana Santa para sa preparasyon sini sa maskin ano nga health-related incidents nga posible nga magluntad sa pagbyahe sang mga Filipino sa mga probinsya, simbahan kag tourist destinations.
Suno sa Health Department, ang Code White Alert ang magatake effect sumugod sa Abril 13, Palm Sunday tubtob Abril 20, Easter Sunday.
Masami nga ginadeklarar sang DOH ang isa ka Code White Alert sa national events, holidays ukon celebrations nga posible makatuga sang mass casualty incidents ukon mga emerhensya agud masiguro ang kahandaan sang mga health facilities kag mga personnel.
Sa idalum sang nasambit nga status, tanan nga medical personnel, ilabi na ang yara sa emergency rooms kag critical care units, ang preparado para sa isa ka potential increase sa volume sang mga pasyente bangud sa mga aksidente, injuries kag iban pa nga health related incidents nga posible nga matabo.
