BACOLOD CITY – Gin-athag sang pinuno sang Infectious Disease Section sang Department of Health (DOH) Region 6 nga wala sang kaso sang coronavirus disease 2019 (COVID-19) sa Western Visayas.
Sa interview sang Bombo Radyo Bacolod kay Dr. Mary Jane Juanico, ginpahayag sini nga may yara karon sang 42 ang numero sang mga persons under investigation (PUIs) sa Region 6 kun sa diin 41 sa mga ini ang na-discharged sa ospital with no further monitoring.
Samtang, ang isa naman ang nagapabilin nga admitted sa probinsya sang Iloilo apang nagagwa sa swab test result sini nga negatibo siya sa virus.
Liwat naman ini nga nagapanugyan sa mga Pilipino nga may yara sang travel history sa mga pungsod nga may positibo nga kaso sang Covid-19 nga magpaidalom gid sa 14-day quarantine kag magpahibalo sa Barangay Health Emergency Response Teams (BHERTS).
Gin-abisuhan man sini ang publiko nga likawan ang pagpadulong sa matawo nga lugar kag I-obserbar sa gihapon ang proper hygiene.
