Ginkumpirmar sang Department of Health (DOH) ang padayon nga pagsaka sang kaso sang mga natapikan sang Human Immunodeficiency Virus (HIV) sa pungsod.
Suno kay DOH Secretary Ted Herbosa, nagapanguna ang Pilipinas sa bug-os nga kalibutan nga may pinakadasig nga pagtaas sang HIV infected.
Nangin alarming naman matapos nga makarekord sang 500 percent nga pagsaka sa kaso sang human immunodeficiency virus sa mga pamatan-on nga naga edad 15 tubtob 25-anyos.
Kaangot sini, ginpahayag man ni Herbosa nga nagpalapit na siya kay President Ferdinand “Bongbong” Marcos, Jr. agud makadeklara sang national public health emergency para sa kaso sang HIV.
Suno pa kay Herbosa nagapang-edaron sang 12-anyos gikan sa Palawan ang pinakabata nga nagpositibo sa nasambit nga virus.
Samtang, gin-athag man ni Herbosa nga mahimo mabulong ang HIV pinaagi sa anti-retroviral.
Santo sa rekord sang DOH, sa una nga tatlo ka bulan sang 2025 naglambot sa 5,101 ka new HIV cases ang narekord mas madamo sa 3,409 nga nabalhag sa kapareho nga tion sang 2024 sa diin humalin Enero tubtob Marso 2025, 57 ka HIV cases ang nakekord sa kada adlaw.
