Nagapati si Justice Secretary Jesus Crispin Remulla nga dapat ipaidalum sa kustodiya sang Bureau of Immigration si Bamban, Tarlac Mayor Alice Guo.
Suno kay Remulla, kun may yara sang dapat nga magdetain kay Guo, ini ang Bureau of Immigration.
Si Guo ang natalana kuntani nga pagasayluhon sa kustodiya sang Senado tubtob nga nag-issue ang isa ka korte sa Tarlac sang isa ka warrant of arrest rason kun ngaa ginbutang ini sa jurisdiction sang Philippine National Police.
Suno kay Remulla, peke ang passport sini kag ini ang isa ka dako nga bayolasyon sang layi sa pungsod.
Suno diri, isa ini ka immigration matter kag yara gid ang kriminal nga aspeto.
Suno kay Remulla, may yara sang isa ka possible deportation case batok kay Guo.
Sang Lunes, ginpahayag sang Bureau of Immigration nga si Guo ang nagapangatubang sang deportation charges bangud sa misrepresentation kag undesirability.
