May bagay gid nga ginahimo ang isa ka tawo ilabi na kun indi matuman ang luyag sini nga matabo.
May iban gani nagahimo pa sang bagay nga makapatay ukon makabutang sa peligro sa ila isig kapareho.
Sa Hawaii, isa ka Doctor ang gina-alegar nga nagtuyo nga magtikwang sa asawa sini sa pil-as kag ginlampusan niya pa ini sang bato bangud lamang nga indi sini luyag nga magpa-picture sa iya.
Gin-aresto sang pulis si Gerhardt Konig pagkatapos sang anum ka oras nga pag-ayam sa iya.
Gina-alegar nga gin-atake sang 46 anyos nga suspek ang iya 36 anyos nga asawa sa Pali Lookout trail.
Gintuyo man sini nga bun-on sang syringe ang iya asawa.
Bangud sini, naka-agum sang pilas sa guya kag ulo ang asawa kag gindala sa ospital.
Nagapabilin nga kritikal ang iya kondisyon.
Nagapangatubang sang second-degree attempted murder ang suspek samtang padayon ang imbestigasyon.
i Konig ang isa ka anesthesiologist kag nagtinir sa Maui humalin sang 2023.
Nagserbe man siya nga assistant professor of Anesthesiology and Bioengineering sa University of Pittsburgh sa Pennsylvania.
