Wala ginsapak ni Transport Secretary Jaime Bautista ang isa nanaman ka round sang protesta nga ginpatigayon sang mga transport groups nga nagapamatok sa Public Utility Vehicle Modernization Program (PUVMP) sang gobyerno.
Suno kay Bautista, kalabanan sa mga PUV operators kag drivers ang nagasuporta sa programa kadungan sang pagpatigayon sang isa nanaman ka transport strike sang Manibela.
Suno diri, naanad na sila sa mga pagpamahog sang Manibela kag ang ila mga nagliligad nga mga strikes, wala na maayo sang epekto sa mga commuters gani nagapakita lamang ini nga epektibo ang PUVMP.
Nagpaandam si Bautista nga ang DOTR ang magasugod sa pagpanakop sang mga operators nga wala sang prangkisa.
Ang mga prangkisa sang mga operators nga wala nakaconsolidate sa nagliligad nga mga deadline sang programa ang makabig naman nga revoked.
Dugang pa sini nga apisar nga wala pa matapos ang fleet management, ang numero sang mga operators kag drivers nga nakigbahin sa programa ang may dako na nga impluwensya sa implementasyon sini.
