Patigayunon ang Philippine National Police Academy Cadet Admission Test 2026 Examination sa 36 ka testing centers nationwide, subong nga adlaw, Oktubre 25, 2026.
Sa interview sang Bombo Radyo kay Cadet 1st Class Shena Mae Galilea, sa mga magakuha sang PNPCAT 2026 Exam, dapat ipreparar na nga daan ang mga required nga dokumento kag kinahanglan nga materials, kag mag-abot sa designated testing center on time.
Sa Bacolod City National High School ang testing center, samtang ang exam ang maga-umpisa alas-8:00 subong nga aga.
Mas maayo man suno kay Galilea nga temprano nga magpadulong sa testing center bangud kinahanglan pa nga iproseso ang mga requirements kag i-assist pa sila sa ila mga respective rooms.
Suno diri, dapat magsuksok sang white formal tops, maong pants kag rubber pants.
Allowed man nga magdala sang mga kinahanglanon kaangay sang tubig lapis ukon ballpen.
Suno diri, gintunga sa duha ka batch ang mga exam takers kun sa diin ang 1st batch ang patigayunon sa aga samtang and 2nd batch sa hapon.
Kahapon, ginpatigayon sa Bacolod City National High School ang walk-in application para sa 38 available slots.
Mensahe naman sini sa mga wala nakapasar sa walk in kag online application nga mahimo sa gihapon mag-apply sa masunod nga tuig.
