Magapatigayon sang “Lakbay Alalay” program ang Department of Public Works and Highways (DPWH) – Bacolod subong nga Semana Santa.
Sa interview sang Bombo Radyo Bacolod kay Engr. Leah Jamero, Assistant District Engineer sa DPWH – Bacolod, ang mga ini ang magahamtang sang mga personnel sa tatlo ka area sa ciudad sang Bacolod agud mag-assist sa mga motorista.
Ang LAKBAY ALALAY ang ihamtang sa Barangay Tangub, Barangay Mansilingan, Barangay Mandalagan kag sa malapit sa DPWH Bacolod Office sa Marso 28 tubtob 29, Holy Thursday kag Good Friday halin alas-8:00 sa aga tubtob alas-5:00 sa hapon.
Sila ang magaplastar sang canopy nga sarang madulugan sang mga motorista, partikular na kun nagalain ang pamatyag ukon gikan sa malawig nga byahe.
Mahimo man nga makahingyo sang tubig sa mga ini kag sila ang maga-assists man sa mga magatabok.
Suno kay Jamero, kun may kinahanglan respondihan nga mga na-abreya sa mga salakyan, nakahanda man ang mga ini nga magbulig.
Paathag sini nga may-ara sang pito ka personnel sa kada team nga ila i-deploy.
