Nag-umpisa na sa paghamtang sang estasyon ang Department of Public Works and Highways (DPWH) – Bacolod sa apat ka area sa ciudad para sa “Lakbay Alalay” 2025.
Sa interview sang Bombo Radyo Bacolod kay Engr. Leah Jamero, District Engineer sa DPWH – Bacolod, may apat ka area nga thickly populated kun Holy Week kag ini ang Bacolod San Carlos Road sa Brgy Mansilingan, Bacolod North Road sa Brgy Mandalagan, Bacolod South Road sa Brgy Sum-Ag kag sa estasyon sang DPWH sa Brgy Taculing.
Suno diri, may yara sabg anum tubtob sa pito ka personnel ang ibutang nga naka-shift ang duty para sa aga kag gab-i.
May yara sila sang lamesa, bangko, folding beds, water dispenser, portalets kag iban pa nga mahimo mabulig sa mga nagabyahe.
Ang “Lakbay Alalay” nag-umpisa subong nga adlaw tutbob sa Domingo, Abril 20, 2025.
