-- ADVERTISEMENT --
Handa nga ipakita ni Department of Public Works and Highways (DPWH) Secretary Manuel Bonoan ang iya Statement of Assets, Liabilities, and Net Worth (SALN).
Ini ang sabat sang tiglikom sa nangin mando ni President Ferdinand “Bongbong” Marcos Jr. nga magpatigayon sang lifestyle check sa tanan nga mga opisyal sang gobyerno.
Dugang pa sini nga nagtukod ini sang Anti-Corruption Task Force sa DPWH kag ginhangkat ang publiko nga isugid sa ila ang mga kwestiyonable nga proyekto sang DPWH.
Kumpiyansa man si Bonoan nga dako ang pagsalig sa iya sang Presidente bangud siya ang ginmanduan sini nga padasigon ang imbestigasyon natuhoy sa maanomaliya nga flood control projects.
Luyag man sang tiglikom nga mapasabat ang mga imbolbado sa mga anomaliya.
-- ADVERTISEMENT --
