Driver ni Bea Alonzo, nagfile sang reklamo batok sa actress sa NLRC

Magaatubangay ang kampo ni Bea Alonzo kag ang anay driver sang aktres, nga nagpasaka sang reklamo batok sa aktres paagi sa National Labor Relations Commission.

Ginkilala ang driver kay Efren Delos Reyes Jr kag ang reklamo sini ang may kaangtanan sa nightshift differential pay, overtime pay, holiday pay, 13th month pay, illegal dismissal, maltreatment, harassment, kag bayad sa separation pay.

Ginpahayag naman sang legal counsel sang aktres nga si Atty. Joey Garcia, nga nabaton na ni Bea ang physical copy sang reklamo sadtong Hunyo 25.

Dugang pa sang mga ini nga ginasuspetsuhan man nila ang pagpasaka sang anay driver sang reklamo.

Suno pa sa abugado, si Delos Reyes ang nagserbe lamang nga service driver sang aktres.