Preparado ang Department of Social Welfare and Development – Negros Island Region sa pagpadala sang bulig sa mga nahalitan sang liwat nga paglupok sang Bulkan Kanlaon.
Liwat nga nagluntad ang moderately explosive eruption nga may kaupod nga pyroclastic density current alas-7:04 kagab-i.
Ini makaligad lamang sang isa ka semana matapos ang kaangay nga paglupok sang Pebrero 19.
Sa inisyal, may-ara sang 10 ka pamilya ukon 40 ka indibidwal nga nagbakwit sa Brgy Robles, La Castellana.
Samtang may-ara naman sang 13 ka pamilya ukon 40 ka indibidwal nga nagbakwit gikan sa Brgy Ara-al kag Yubo, La Carlota City.
Ini ang ginbug-usan sang lima ka pamilya ukon 12 ka indibidwal nga yara sa karun sa Brgy Hall sang Brgy Ara-al, pito ka pamilya ukon 26 ka indibidwal nga yara sa Yubo Child Development Center, kag isa ka pamilya ukon duha ka indibidwal nga wala nagtinir sa evacuation center.
Ang DSWD-NIR ang may nakapreposition nga 222,038 nga family foodpacks, 10,549 boxes sang ready to eat foods, 16,264 non-food items kag 1,225 other non-food items.
