Matawhay ang payout sang Department of Social Welfare and Development sang fuel subsidy para sa mga Transportation Network Vehicle Services (TNVS) kag Transport Network Companies (TNCs) sa 3rd floor sang SM City Bacolod.
2,510 ang ila nga nakaschedule nga releasing subong nga adlaw, kag bwas may-ara pa sang masobra dos mil nga Grab drivers nga hatagan.
Sa interview sang Bombo Radyo Bacolod kay DSWD Negros Island Region Director Erwin Razo, luwas sa Bacolod City nga ginpatigayon sa SM, may-ara man sila sang payout sa Kabankalan kag Cadiz City nga gincater sa pasilidad sang City Government.
Paathag sini nga ang listahan ang ginsumiter sang mga kompanya, ginacrossing-matching, antes ibalik sa ila.
Suno kay Razo, indi pwede nga indi madala sa payout ang Grab drivers, apang may-ara lamang sang nangin deperensya sa tagging bangod sila ang nabutang sa Region 6 imbes nga sa Negros Island Region, gani na-ulihi ang listahan.
