Nagpasalig ang Department of Social Welfare and Development (DSWD) sa publiko nga sila ang preparado sa anuman nga halit ukon risgo nga matuga sang makusog nga pag-ulan kag iban pa nga epekto sang La Niña.
Ginhighlight sang DSWD nga ang Disaster Response and Management Bureau ang nakafocus kag aktibo nga nagaresponde sa anuman nga direktiba ukon mando may kaangtanan sa pagpreparar kag pagresponde sa La Niña.
Sila ang nagatrabaho malapit sa nagkalain-lain nga mga departamento kag ahensya sang gobyerno agud masiguro ang isa ka coordinated kag epektibo nga pagresponde sa anuman nga kalamaidad.
Bilang kabahin sang ila preparasyon, ginpaggiyo naman sang DSWD ang ila mga Quick Response Team agud maghatag sang bulig sa mga komunidad nga posible maapektuhan sang Bagyo Mirasol ukon kun anuman nga mga kalamidad ang posible nga mag-abot.
