Gindagdagan sang isa pa gid ka memo ang pinuno sang Bacolod Traffic Authority Office angot sa ginpaggwa sini nga memo nga dapat may yara sang lima ka apprehension ang kada isa sa mga BTAO personnels kada adlaw.
Sa interview sang Bombo Radyo kay Patrick Leonard Lacson, ginsabat naman sini ang memo nga iya nabaton.
Apang, wala naman ini naghatag pa sang dugang nga detalye.
Samtang, sa interview sang Bombo Radyo kay Atty. Caesar Distrito, spokesperson ni Bacolod City Mayor Alfredo “Albee” Benitez, gilayon nga nag-issue ang alkalde sang memo matapos sini makit-an ang gina-alegar nga memo nga ginpaggwa sang BTAO head nga dapat may yara sang lima ka apprehension ang kada isa sa mga BTAO personnels kada adlaw, kag kun ini ang indi matuman posible nga sila ang masuspend ukon ma-terminate sa trabaho.
Suno diri, para sa alkalde sang ciudad, indi insakto nga magdakop nga wala sang nagaka-igo nga bayolasyon.
Para kay Distrito, posible nga ipa-withdraw sang alkalde ang memo bangod nga wala man ini sang approval gikan sa iya.
Apang, sa karun ginahulat pa kun matuod ukon indi ang memo nga ginpaggwa sang BTAO, kag kun mapamatud-an naman ini ang ipa-withdraw sang ciudad.
