Nakigsapol si Bacolod City Lone District Congressman Greg Gasataya kay Health Secretary Francisco Duque III agud mahatagan sang dako nga pondo ang Corazon Locsin Montelibano Memorial Regional Hospital matapos ginpirmahan na sang presidente ang RA 11441 nga nagapasaka sang bed capacity sini gikan sa 400 sa 1,000.
Sa interview kay Cong. Gasataya, nahisayran nga i-refer ni Sec. Duque sa Department of Budget and Management (DBM) ang tuhoy sa RA 11441 agud makahingagaw ilabi pa nga ginatalakay pa karun sa Kongreso ang proposed 2020 national budget.
Ginatinguhaan man ni Gasataya nga mahingagaw ang paghatag sang dako nga pondo sa CLMMRH bilang vice chairman sang Committee on Appropriations sa Kamara de Representantes.
Madumduman nga ginpirmahan ni Presidente Rodrigo Duterte ang RA 11441 sang Agosto 28, 2019.
