Indi magnubo sa 62 ka mga pasahero ang missing matapos nga natabunan sang landslides ang duha ka mga bus sa Trishuli River sa distrito sang Chitwan sa Nepal sang Biyernes.
Suno sa isa ka district official nga si Antim Sinjali, wala pa sa karun makit-an ang mga buses bangud tuman ka itom sang tubig sa suba kag makatuga ini sang risgo sa mga military kag police personnel nga gintalana nga magpangita sang mga missing.
Indi magnubo sa tatlo ka mga pasahero ang nakasurvive apang nag-angkon sang minor injuries matapos naglumpat sa bus antes ini nadagdagan sang dalagko nga mga bato kag lunang.
Suno kay Sinjali, pito ka mga Indian nationals ang nalakip sa namissing nga mga pasahero.
Sa Kaski district, nga nahamtang 150 km ukon 93 miles sa nakatungdan sang Kathmandu, 11 ka mga persona ang nagkalamatay sang gintabunan sang landslides ang tatlo ka mga pamalay kag tatlo naman ang nadulaan sang kabuhi bangud man sa landslide sa Myagdi district.
Ang landslides kag pagbaha nga bangud sa torrential monsoon rains ang nakapatay na sang 91 ka mga persona sa Nepal humalin sang mid-June.
