Duha ka impeachment complaints batok kay VP Sara, “sufficient in grounds” suno sa House Committee on Justice

Gindeklarar sang House Committee on Justice nga may supisyente nga basehan ang ikatatlo kag ikaapat nga impeachment complaint batok kay Bise Presidente Sara Duterte, gani ipatigayunon na ang reklamo sa madasun nga hugna sang hearing.

Wala man sang nagpamatuk gikan sa mga myembro sang komitiba nga ginapangunahan ni Chairperson Atty. Gerville “Jinky Bitrics” Luistro.

Natalana nga mapatigayon ang una nga hearing sa Marso 25 kag Abril 14, 22, kag 29, 2026.

Samtang, balantayan ang mangin hearing sang impeachment case ni Vice President Sara Duterte suno sa political analyst.

Sa interview sang Bombo Radyo Bacolod kay Atty. Jomax Ortiz, una nga magapresentar sa impeachment hearing ang prosecution kag ang mga top notch lawyers sang Fortun Narvasa & Salazar law firm ang magaprepresentar sa bise presidente.

Suno kay Ortiz, balantayan ini bangud sa iya nga paglantaw tatlo lamang ka grounds ang tutukan sa impeachment hearing ini ang SALN, testimonya ni detained witness Ramil Madriaga kag ang confidential funds.

Suno sa abugado crucial ang mangin statement ni Madriaga gani dapat nga bantayan gid ini sa impeachment hearing nga natalana sang Marso 25.

Dugang pa sini bantayan man ang SALN kasubong man ang confidential funds bangud mahimo nga ini ang mangin rason agud mangin madinalag-on ang pag-impeached sa bise presidente bangud man sa unliquidated assests.

Ginpahayag man ni Ortiz nga pagbanta sini indi magpakita sa hearing ang bise presidente kag ang mga maalam, beterano kag lagting nga mga abugado na ang magaatubang sa impeachment committee sa impeachment hearing.