Napatay ang duha ka mga boksidor sa Japan bangud sa brain injuries.
Ini ang natabo sa separado nga away sa pareho nga event sa Tokyo.
Ang super featherweight nga si Shigetoshi Kotari kag ang lightweight nga si Hiromasa Urakawa, lunsay 28 anyos, ang nag-away sa kaangay nga card sa Korakuen Hall sang August 2.
Gindala ang mga ini sa ospital kag ginpaidalom sa brain surgery.
Si Kotari nga nag-away sa 12 ka round kontra sa kaangay nga Japanese fighter nga si Yamato Hata ang napatay sang Agosto 8.
Suno sa iya boxing gym, nagpakigbato pa ini sa ospital sa Tokyo sang acute subdural hematoma.
Samtang, si Urakawa naman ang ginpa-untat sa ikawalo kag final round batuk kay Toji Saito kag napatay sang Agosto 9.
Ginpahayag sang secretary-general sang Japan Boxing Commission nga si Tsuyoshi Yasukochi nga indi ang pinakauna nga tion sa Japan nga ginpaidalom sa skull-opening surgery ang duha ka boksidor bangud sang pilas nga nakuha sa kaangay nga event.
