Arestado ang duha ka persona sa drug buybust operation nga ginpatigayon sa Purok Grasya, Barangay Singcang-Airport, Bacolod City ala-1:36 kaina sang kaagahon.
Ang mga naaresto ang ginkilala nga sanday Stephanie Espinosa Anoche, 22 anyos, single, residente sang Prk. Magtiayun, Brgy. 10, Bacolod City kag yara sa listahan sang Barangay Anti-Drug Abuse Council; kag si Tyrone Bolonia alyas Marmar, 26 anyos, single, residente sang Prk. Maliugyon, Brgy. 35, Bacolod City kag wala sa BADAC list.
Ang operasyon ang ginpatigayon sang Bacolod Police Station 8.
Nakuha sa ila ang anom ka elongated kag isa ka big heat-sealed transparent plastic sachet sang suspected shabu, kalakip na ang buybust item.
Ang suspected shabu ang ginabanta nagabug-at sang pito ka gramos nga may ginabanta balor nga P47,600.
Ang duha ang nakahunong na sa karun sa Bacolod Police Station 8 kag natalana nga mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
