Duha ka pintor pilason matapos madagdag sa tambala sang ginapintahan nga mall

Yara na sa estable nga kondisyon ang duha ka mga pintor matapos madagdag sa tambala nga ginatungtungan sa SM City Mall sa ciudad sang Bacolod.

Ginkilala ang mga biktima nga amo sanday JM Hiponia, 19-anyos, kag pumuluyo sang Sitio Magsungay, Barangay Singcang Airport, kag Jonsel Libreza, 25-anyos, pumuluyo sang Barangay 35.

Sa impormasyon nga nakuha sang Bombo Radyo gikan sa mga kaupod sang mga biktima, nagpahuway sa pagpaminta ang mga ini kag magapanaog na kuntani agud mag-break apang hinali nga nadagdag ang mga ini.

Gilayon nga gindala sa Corazon Locsin Montelibano Memorial Regional Hospital (CLMMRH) ang duha kun sa diin sila padayon nga gina-obserbahan.