Duha ka separado nga sunog ang nagluntad sa ciudad sang Bacolod kaina sang udto.
Kapin napulo ka mga balay ang ginlamon sang kalayo sa Purok Marapara, Barangay Bata.
Gilayon naman nga nagresponder ang katapo sang Bureau of Fire Protection (BFP) agud matapna ang sunog.
Sa karon, padayon pa ang imbestigasyon kun ano ang ginhalinan sang sunog kag kun pila ang halit nga narekord.
Samtang, nasunog man ang Technology and Livelihood Education (TLE) room sang Luis Hervias National High School sa Barangay Villamonte.
Sa impormasyon nga nakuha sang Bombo Radyo Bacolod, nagsugod ang kalayo sa kisame sang nasambit nga hulot.
Nagapreprar ang mga manunudlo kag pila ka mga estudyante sang nasambit nga eskwelahan para sa graduation ceremony kuntani nga hiwaton sini nga hapon sang hinali lang nag-aso ang kisame sang TLE room.
Wala naman naglapta pa ang kalayo sa iban nga mga kwarto bangud sa madasig nga pagresponde sang mga bombero.
Date of airing: April 2, 2019
