Luyag sang anay Chief Presidential Legal Counsel ni former President Rodrigo Duterte nga magtambong sa “confirmation of charges” hearing sang International Criminal Court ang anay Presidente sa Lunes.
Sa interview sang Bombo Radyo Bacolod kay Atty Salvador Panelo, sa personal mas luyag sini nga magtambong ang anay Presidente agud ini ang ila makita.
Aminado si Panelo nga nahidlaw na ini sa abyan, kag suno diri, bisan ang ordinaryo nga pumuluyo ang nahidlaw naman sa anay Presidente.
Dugang pa sini nga kun magtambong si Duterte, makita ang kahimtangan sang iya nga ikaayong lawas.
Nagapati si Panelo nga wala nahadlok sa pag-atubang sa trial si Duterte, apang ini ang mahimo natak-an na gani indi magtambong.
Pasalig ni Panelo nga siya ang magatambong sa “confirmation of charges” hearing agud mapabatyag sa anay Presidente nga madamo ang nagasuporta diri.
Sa liwat, gintindugan ni Panelo nga ang ginatindugan nila gihapon nga mapakigbato amo ang isyu sa jurisdiction.
Pahanumdom sini nga nagbuya na sa ICC ang Pilipinas.
Dugang pa sini nga nakapagkit man sa Rome Statute nga sarang lamang mag-intervene ang ICC kun wala na nagagana ang layi sa isa ka pungsod.
Klaro suno diri nga nagagana pa ang layi sa Pilipinas, gani para sa ila ginbayolar mismo sang ICC ang ila nga pagsulundan.
