-- ADVERTISEMENT --

Anum ka bulan matapos gindeklara ang Ebola Outbreak sa Democratic Republic of Congo, ang balatian ang nagapabilin nga ‘out of control’ kag ang mga tikang nga ginapatuman batok diri ang wala sang dako nga epekto.

Masobra 11,000 ka mga kaso na ang na-record kag halos katunga sang nasambit nga numero ang ginbawian sang kabuhi.

Ini ang gindeklara nga pinaka-makamamatay nga Ebola outbreak sa maragtas sang pungsod.

Santo sa mga eksperto, gamay lamang ang tsansa nga ma-kontrol ang outbreak sa masunod nga tuig.

Madumduman nga sang tion nga gin-anunsyo ang outbreak, 43 na ang na-record nga napatay kag ini ang nagakahulugan nga wala gilayon na-detect ang virus.

-- ADVERTISEMENT --

Santo sa Africa Centers for Disease Control and Prevention, kalabanan sang na-infect ang wala nagaka-track sang otoridad bangud 80 percent sang bag-o nga mga kaso ang nagaka-detect magluwas sa health surveillance.

Ang madasig nga paglapta sang virus ang ginakabalak-an subong sa bug-os nga Africa.

May kumpirmado na nga mga kaso sa Nigeria, Kenya, kag Uganda.