Nag-umpisa na ang Democratic Republic of Congo sa pagpangbakuna sa mga healthcare staff batok sa Ebola sa may bahin sang Bunia, lugar nga sentro sang madasig nga paglapta sang outbreak sa maragtas sang pungsod.
Ginprayoridad ang mga health workers kag iban pa nga front-line workers.
Sila ang bakunahan sang Ervebo vaccine nga nangin epektibo sang nakaligad nga outbreak sa Congo.
Padayon naman ang clinical trials sa pagpangita sang licensed vaccine para sa subong nga outbreak nga tuga sang Bundibugyo virus.
Target sang Ebola response ang Bunia kag Mongbwalu zones sa Ituri province, santo sa mga health authorities.
Ang ini nga kampanya sa Ituri kag North Kivu ginalauman nga makalab-ot sang 20,000 ka mga front-line workers sa sulod sang anum tubtob siyam ka bulan.
As of Saturday, naka-record na ang pungsod sang 7,541 confirmed cases kalakip ang 3,639 nga napatay, samtang 1,823 naman ang naka-recover, santo sa datos sang gobyerno.
Ang nasambit nga outbreak kun sa diin epicenter ang provincial sang Ituri ang gintawag bilang “deadliest” sa 17 tanan ka mga outbreak sa pungsod.
Santo sa World Health Organization, aprubado na ang 70,000 doses sang Ervebo agud gamiton sa Congo, sa diin 50,000 doses ang para sa front-line kag health workers, samtang para naman sa clinical trial ang 20,000 doses agud matun-an kun sarang mabatuan sang vaccine ang Bundibugyo virus.
