Napaslawan nga makuha sang Portugal ang ginalauman nga kadalag-an matapos makalaut kag makapuntos ang Democratic Republic of Congo nga nagresulta sa 1-1 nga draw sa ila nga match up sa Group K sang 2026 FIFA World Cup.
Nakapuntos sa una nga ika-anum nga minutos sang hampang si Joao Neves sang Portugal.
Apang, nagtinguha ang DR Congo nga makapuntos kag antes pa man matapos ang first half, nakahingagaw score si Yoane Wissa.
Pag-umpisa sang 2nd half, mas nangin agresibo kag organisado ang hampang sang DR Congo.
Mas nangin dominante man sila sa pagdumala sang bola kag mabaskog ang opensiba.
Sa ika-55 minutos sang hampang, nakapasulod liwat ang Portugal sang bola matapos ang overhead kick ni Joao Cancelo apang sa pagreview sang mga opisyal, wala ini ginkabig nga goal bangud sa offside position sini antes maka-score.
Makita man ang pagkadismaya ni Cristiano Ronaldo sa kapaslawan sini sa second quarter sang hampang bangud nabudlayan na ini makapangita sang tsansa nga maka-score samtang nabudlayan na ang Portugal nga mabalik ang ila nga momentum.
Sa pagtakop sang hampang, nagpabilin ini nga patas sa score ang nga 1-1.
