Arestado ang isa ka electrician matapos nga madakpan sa buybust operation nga ginpatigayon sang Manapla Municipal Police Station sa Hacienda Rosita, Barangay 1A, Manapla, Negros Occidental sang Marso 9, 2024.
Ginkilala ang subject person kay Ernie Ponteras, 42 anyos, kasado, electrician kag residente sang nasambit nga lugar.
Sa interview sang Bombo Radyo Bacolod kay Police Captain Marion Vicente Buenaflor, Deputy Chief of Police sang Manapla Municipal Police Station, kaupod ang Station Drug Enforcement Team, nagpatigayon sila sang buybust operation batok sa subject person.
Suno kay Buenaflor, naaresto si Ponteras matapos nga mabaklan sang isa ka heat sealed transparent sachet sang suspected shabu.
Nakuha sa paghinakop sini ang onse ka sachet sang suspected shabu kag may Standard Drug Price value nga P25,160.
Ang recoveries ang gindala sa PNP Regional Forensic Unit 6 para sa examination.
Ginareklamo man sang kaingod sini ang subject person nga masami ini sang madamo nga bisita.
Nakahunong na sa karun si Ponteras sa Manapla Municipal Police Station kag natalana mangatubang sang kaso nga paglapas sa RA 9165 ukon Comprehensive Dangerous Drugs Act of 2002.
