Natapos na ang kampanya ni Pinay weightlifter Elreen Ando sa 2024 Paris Olympics kagab-i.
Nagtapos ini nga rank 6 sa women’s weightlifting 59 kg event.
Siya ang nakarekord sang kabug-usan nga 230 kg nga ginalakipan sang 100 kg sa snatch kag 130 kg sa clean and jerk nga bag-o sini nga personal record.
Nagdangat pa sa duha ang pagtuyo ukon attempt sini antes madinalag-on nga nahakwat ang 100 kg sa snatch kag napaslawan sa iya ikatatlo nga attempt sa 102 kg.
Diri sini nalab-ot ang iya personal best nga 100 kg lift.
Sa clean and jerk, kinahanglan ni Ando ang tatlo ka attempt agud mangin madinalag-on nga mahakwat ang 130 kg para sa mga bag-o nga personal record.
Ang nasambit nga kabug-usan nga record ang indi naman supisyente agud siya ang makalab-ot sa top 3.
Si Ando ang may pinakamataas nga ranking nga weightlifter sang makasumpong sini si Olympic gold medalist Hidilyn Diaz sa 2024 IWF World Cup sang tinalikdan nga Abril.
