Ang dumdom ta ang pagpadulong sang late sa trabaho amo ang makabutang sa atun sa alang-alang bangud sa makabig grounds sang dismissal, apang ang temprano pa nga pagkadto sa trabaho ang makonsiderar man nga seryoso nga problema sang mga empleyado.
Kaangay na lamang sang isa ka babayi sa Spain nga ginpahalin matapos makapila ka beses nga wala ginsapak ang paandam nga pag-abot sang tuman ka temprano.
Ang babaye nga nagatrabaho sa isa ka delivery company nga yara sa Alicante, ang may ugali nga temprano pa naga-abot sa trabaho sa tunga sang 6:45 kag 7:00 a.m., apisar nabutang sa iya kontrata nga nagasugod ang iya duty alas-7:30 pa sa aga.
Bangud sini, mas nauna pa ini sa iban niya nga upod, nga wala naman nagustuhan sang iya manager.
Ginsaway ini sa iya habit sang 2023 apang nagpadayon ini gihapon.
Sini lang nga tuig, nagdesisyon ang iya boss nga pahalinon siya bangud sang “serious misconduct” bangud wala pa sang ubrahon ang empleyado gani wala sang kontribusyon nga nahimo sang kompaniya.
Gindangop niya ini sa Alicante social court, apang ginkakibot sang babayi nga nag-apin pa ang korte sa iya boss bangod sa makapila ka beses sini nga wala ginsapak ang paandam sang management nga nagtuga sang negatibo nga impact sa employee-employer relationship.
