Ginkondenar ni Negros Occidental Governor Eugenio Jose “Bong” Lacson ang natabo nga engkwentro sa tunga sang katapo sang 94th Infantry Battalion sang Philippine Army kag New People’s Army sa Barangay Carabalan, Himamaylan City nagligad nga Domingo sang aga.
Sa statement nga ginpagwa sang gobernador, ginpahayag sini nga nasubuan gid siya sa nagluntad nga engkwentro bangud tatlo ka mga suldado ang patay samtang apat naman ang pilason.
Suno kay Lacson, antes pa man nagtuhaw ang coronavirus disease 2019 (COVID19) pandemic, may yara na sang progress sa peace process sa probinsya santo sa Executive Order No. 70 ni Presidente Rodrigo Duterte.
Suno diri, indi dapat pagpahanugutan nga malimtan na ang matuod-tuod nga kalinong kag kahilwayan sa Negros Island bangud lamang sa health crisis.
Nag-apelar naman ini sa mga katapo sang NPA nga magkooperar sa gobyerno ilabi na karon nga may yara sang COVID-19.
Paathag ni Lacson, under attack ang tanan sang nasambit nga balatian gani dapat lang nga magbuligay batok sa indi makita nga kaaway.a
