Ginpahayag ni White House spokesperson John Kirby nga magapadayon ang Estados Unidos sa pagtrabaho kaupod kay Israeli prime minister Benjamin Netanyahu agud makuha ang ceasefire proposal nga gin-outline ni Biden padulong sa finish line.
Suno kay Kirby, ginalantaw sang US President ang proposal, nga ginalakipan sang isa ka three-stage plan nga tapuson na ang gyera sa Gaza, bilang best chance nga mabalik ang tanan nga hostages nga yara pa sa luyo sang Hamas militants.
Una na nga gin-anunsyar ni US President Joe Biden ang isa ka Israeli peace plan agud makapatigayon sang isa ka ceasefire sa Gaza.
Ang plano ang ginalakipan sang tatlo ka stages.
Ang una nga stage ang nagapropose sang anum ka semana nga ceasefire kun sa diin ang Israeli army ang magawithdraw nagikan sa populated areas sang Gaza.
Ang mga hostages, lakip na ang mga tigulang kag mga babaye ang igabaylo sa ginatos nga mga Palestinian prisoners.
Ang mga civilians ang magabalik naman sa Gaza kaupod ang 600 trucks nga may dala nga humanitarian aid kada adlaw.
Ang ikaduha nga phase ang natuhoy sa negosasyon sang Hamas kag Israel para permanente na nga matapos ang ginamo.
Ang ikatatlo nga phase ang magafacilitate sang reconstruction sang Gaza lakip na ang 60 percent sang mga clinics, mga eskwelahan, universities kag religious buildings nga nagkalaguba bangud sa Israeli forces.
