Gilayon nga gindala sa Bago City Police Station ang isa ka estudyante nga nakuhaan sang ginasuspetsuhan marijuana sa isa ka high school sang Agosto 19.
Ginkilala ang estudyante nga si Ian Gabriel Jacinto, 18-anyos, residente sang Brgy. Sum-ag, Bacolod City kag estudyante sang Notre Dame nga nahamtang sa Brgy. Balingasag, Bago City.
Sa impormasyon nga nakuha sang Bombo Radyo Bacolod, nakit-an sang maestro nga si Joshua S. Tanaleon ang 3 ka ziplock sang ginasuspetsuhan marijuana sa bag sang suspetsado.
Ini ang kasunod sang ginpatigayon nga random checking sa bag sang mga estudyante sa sulod sang eskwelahan.
Mismo ang faculty sang eskwelahan ang nagdala sang estudyante sa police station.
Ginabanta nga nagabalor sang P2,000 ang suspected marijuana nga nakuha sa nasambit nga estudyante.
