Gin-anunsyar ni President Ferdinand Marcos Jr. ang pagkakas sang excise tax para sa LPG kag kerosene bilang kabahin sa mga tikang sang gobyerno sa pagsabat sa epekto sang krisis sa langis.
Mabuhinan sang P3.36 ang kada kilo sang LPG ukon halos P37 sa kada tangke, samtang P5.65 naman ang mabuhin sa kada litro sang kerosene.
Magluwas sa buhin sa tax, ginpasiguro sang presidente nga magapabilin nga estable ang presyohan sang mga basic commodities kaangay sang sardinas, tinapay, instant noodles, kag gatas tubtob sa katapusan sang Abril.
Ginkakas man ang toll fees sa mga fishport kag ginbuhinan ang terminal fees sa mga pantalan para sa mga naga-transport sang agricultural nga produkto agud indi magpasaka sang presyo sa pagkaon sa mga merkado.
Samtang, ginpabilin naman ang VAT sa produktong petrolyo agud makuhaan pa sang pondo para sa mga subsidy kag cash benefits para sa tanan nga sektor, indi lamang para sa transportasyon.
