Ginkansela sang Commission on Elections (COMELEC) ang tanan nga natalana nga aktibidad may kaangtanan sa 2026 Barangay and Sangguniang Kabataan Elections (BSKE).
Ini matapos ginpirmahan ni President Ferdinand Marcos Jr. ang layi nga naga-postpone sang piniliay nga natalana sa Nobyembre 2, 2026.
Base sa pinakaulihi nga resolusyon, lakip sa mga aktibidad nga gin-cancel amo ang filing sang Certificates of Candidacy (COC) kag ang kasunod nga campaign period.
Gin-anunsyar man sang COMELEC nga ginbatak na ang election ban nga may kaangtanan sa nasambit election.
Apang, santo sa COMELEC, magapadayon ang pila ka mga ginahimo nga preparasyon partikular na ang pag-imprinta sang dugang nga mga balota, accountable forms, Election Day Computerized Voters List (EDCVL), kag Posted Computerized Voters List (PCVL) tubtob nga malab-ot ang allocated quantities kasubong man ang pending procurement sang BSKE-related forms kag mga suplay, kalakip ang delivery.
Ginpahayag nga dapat ma-secure sang husto kag ma-preserba ang tanan nga election forms, supplies, kag iban pa nga paraphernalia nga na-imprinta ukon nabakal na agud maggamit pa sa palaabuton nga eleksyon.
Magapadayon naman ang voter registration para sa 2028 National kag Local Elections sini nga Nobyembre.
