Ginakalipay kag ginapasalamatan sang Presidente sang Federation of Bacolod Drivers Association ang ginhatag nga extension sa moratorium sa dakpanay nga ginhatag sang Land Transportation Office (LTO) Region 6 sa mga public utility jeepneys nga nga wala sang prangkisa.
Sa interview sang Bombo Radyo kay Elizabeth Katalbas, wala ini nagtambong sa paghinun-anon sang transport sector kaupod si Mayor Alfredo Benitez bangud naga-init sadto ang iya ulo kag siya ang nagalikaw.
Suno kay Katalbas, madamo man nga mga professional nga kaalyansa nila ang nag-upod kag nangin manami ang ila paghinun-anon sa alkalde.
Nagapasalamat man ini kay former Councilor Dindo Ramos bangud sa bulig sa ila humalin pa sang una.
Nagapangayo man ini sang pasaylo kay Benitez sa iya mga nauna nga ginpanghambal apang indi na niya ini mabawi.
Ginapasalamatan sini nga nahimuan sang tikang ang ila concerns kag sa karun nagahulat pa ang mga ini sang resulta sang paghinun-anon ni Benitez kag sa LTFRB kag LTO.
