Ginpasalamatan ni Filipino-American singer Olivia Rodrigo ang mga Pinoy fans nga naglantaw sang iya nga concert sa pungsod sang Sabado.
Sa social media account sang singer, ginakabig sini nga “dream come true” ang makaperform sa Pilipinas.
Tuman ang pagpasalamat sini sa masobra 55,000 ka mga tawo nga naglantaw sang iya concert sini sa Philippine Arena.
Gin-emphasize man sini nga humalin pa man sadto ginahandom na sini nga magpatigayon sang concert sa Pilipinas.
Ginakabig sang Grammy winner nga ang Pilipinas ang may pinakadako nga venue sa ila nga “GUTS” concert.
Tanan nga revenue sang iya tickets nga nabakal sa P1,500 ang magakadto sa Fund 4 Good sang singer nga ini ang magahatag sang mayo nga bwas damlag sang mga kababainhan.
Madumduman nga madamo sang local celebrities ang nag-enjoy sa concert kag isa na diri ang bata sang mag-asawa nga Dingdong kag Marian Dantes nga Zia.
