Magasambuwa para sa super bantamweight eight-round match ang Filipino boxer nga si Jerwin Ancajas kag si Ruben Dario Casero sang Uruguay sa Agosto 2 sa Thunder Studios, Long Beach California.
Si Ancajas nga naka-upod sa ensanyo nanday Manny Pacquiao, Eumir Marcial, kag Mark Magsayo para sa Pacquiao-Barrios fight, ang may yara sang 36-4-2 win-loss-draw record nga may 24 ka knockouts.
Suno sa 33 anyos nga si Ancajas, maayo subong ang iya training kag conditioning.
Aminado man ini nga agresibo ang iya kontra gani dapat sia nga maghalong.
Si Ancajas ang naghalin sa kadalag-an batuk kay Richie Mepranum sang nagligad nga Enero sa GAB junior-featherweight title.
Samtang, ang 32 anyos nga si Casero ang naghalin sa sixth-round technical knockout batok kay Federico Andres Penarrieta sang Argentina sang nagligad nga Mayo kag may yara sang 13-4 card nga may lima ka knockouts.
