Naka-line up na ang Filipino boxers nga sanday Nesthy Petecio kag Carlo Paalam para magbitbit sang Philippine flag sa opening ceremonies sang 2024 Paris Olympics.
Ang Philippine contingent ang magasuksok sang Barong Tagalog nga gindisenyo ni Francis Libiran, nga ginatawag sini nga ‘Sinag Barong’.
Suno kay Libiran, ang ‘Sinag’ ukon ang silak sang adlaw ang simbolo sang paglaum.
Nangin inspirasyon sini ang duag sang Philippine flag para sa barong, nga may detachable silk organdy blue kag red sling covering sa nawala nga abaga kag butkon, kag may yellow nga patern sang adlaw nga dekorasyon sa dughan.
Ang barong ang human sa (pinya) piña-jusi fabric kun sa diin ang kabug-usan nga outfit ang may pattern nga disensyo sang Pintados warriors.
Si Libiran man ang nagdisenyo sang uniforms sang athletes nga nag-compete sa tatlo na ka South East Asian Games, apang ini ang una nga kahigayunan nga siya nagdisenyo sang outfits para sa Filipino Olympians.
Mangin kaupod ni Petecio kag Paalam amo sanday Eumir Marcial, Aira Villegas kag Hergie Bacyada, fencer Sam Catantan, golfers Bianca Pagdanganan kag Dottie Ardina, gymnasts Carlo Yulo, Aleah Finnegan, Emma Malabuyo, kag Levi Ruvivar, judoka Kiyomi Watanabe, pole vaulter EJ Obiena, rower Joanie Delgaco, swimmer Jarod Hatch kag Kayla Sanchez, runners John Cabang Tolentino kag Lauren Hoffman, kag weightlifters Elreen Ando, John Ceniza, kag Vanessa Sarno.
Ang 2024 Paris Olympics ang maga-umpisa sa Hulyo 26 tubtob sa Agosto 11.
