Nangin una nga tagdaog sang PATAFA Pole Vault Challenge ang Filipino pole vault star nga si EJ Obiena nga ginpatigayon sa Vermosa Sports Hub sa Cavite.
Naclear ni Obiena ang 5.80 meters apisar nga nagabubo ang ulan.
Nalapawan sini si Yan-Han Wu sang Chinese Taipei nga nakaclear sang 5.15 meters para sa silver medal kag compatriot nga si Hokett Delos Santos nga nakaclear man sang 5.15 meters para sa bronze medal.
Suno sa Olympian, nalipay ini nga makacompete sa liwat sa Pilipinas kag nagpasalamat sa tanan nga nagpartisipar, naglantaw kag nag-enjoy bisan nga naga-inulan.
Sang tinalikdan lang sang nangin fifth placer si Obiena sa second stop sang Wanda Diamond League sa Shanghai sang tinalikdan nga semana kag seventh placer sa Xiamen leg sang Abril 26.
Sa karun nagapreparar naman si Obiena para sa Asian Championships sa May 27- 31 sa Gumi, South Korea.
