Nangin Masako ang semana sang Filipino pole vaulter nga si EJ Obiena sa European circuit paagi sa pagtapos sa ikalima nga pwesto sa FBK Games nga ginhiwat sa Netherlands sang Lunes, Hunyo 10.
Na-clear ni Obiena ang 5.66 meters, patas sang kataason nga nalab-ot man sang American nga si Keaton Daniel kag Chinese nga si Tao Zhong.
Apang, bangud sang countback, si Obiena ang ginbutang sa ika-lima nga pwesto bangud kinahanglan pa niya sang duha ka attempt agud ma-clear ang 5.56 metros.
Tatlo naman ka mga Amerikano ang nagpanguna sa podium, kun sa diin naangkon ni Christopher Nilson ang gold medal (5.82), nga ginasundan ni KC Lightfoot (5.74m) kag Keaton Daniel (5.66m).
Ini ang labing una nga kompetisyon ni Obiena humalin sang nagmadinalag-on siya nga depensahan ang iya titulo sa Asian Championships sang nagligad nga semana.
Ang madason nga kompetisyon ni Obiena amo ang Oslo Bislett Games sa Norway sa Hunyo 12.
