Gin-anunsyar ni Filipino pole vaulter EJ Obiena nga indi ini makahampang sa 2025 World Athletics Indoor Championships, apang ginsiguro nga yara ini sa maayo nga kondisyon.
Ang two-time Olympian ang magatutok sa outdoor season kun sa diin mangin tiglawas ini sang Pilipina sa pila ka high-profile competitions.
Ang 29-anyos nga si Obiena, nga yara subong sa ikaapat nga pwesto sa world ranking, ang magabalik sa hampang sa Marso 13 sa Mondo Classic sa Uppsala, Sweden.
Ang World Indoor Championships naman ang natalana sa Marso 21-23 sa Nanjing, China.
Suno diri, apisar nga may tiempo pa agud mag-qualify para sa World Indoor Championships, wala naman sang kompetisyon nga nabilin kun sa diin siya mahimo nga makapartisipar.
Ulihi nga naghampang si EJ sang Pebrero 16 sa Toruń, Poland.
