Ginkondenar sang Academy of Motion Picture Arts and Sciences, ang grupo nga nagauyat sang Oscars, ang pagtampa ni Will Smith sa presenter nga si Chris Rock sa tunga sang seremonya kag ginpahayag nga nagsugod na sila sang formal review sang insidente.
Suno sa academy, ginakondenar sini ang mga ginhimo ni Smith kay Rock.
Gindugang man sini nga opisyal na nila nga ginsuguran ang formal review tuhoy sa insidente kag magapangita sang konsekwensya santo sa ila Bylaws, Standards of Conduct kag California law.
Matapos ang pagtampa sini sa presenter nga si Chris Rock, ginhingadlan bilang Best Actor sang Oscar si Will Smith, para sa iya role bilang Richard Williams sa pelikula nga “King Richard.”
Ini ang labing una nga kahigayunan sa nakaligad nga 20 ka 20 ka tuig nga nagdaog si Will sa nasambit nga prestihiyoso nga award sa 94th Academy Awards.
Apang antes ini, gintampa ni Will sa stage ang presenter nga si Chris bangud sa paglabutaw sa iya asawa nga si Jada bangud kalbo ini tuga sang kondisyon nga alopecia.
Apisar nga wala ginlawag ni Will ang nasambit nga insidente sa iya speech sang iya ginbaton ang award, nagpangayo ini sang pasaylo sa Academy kag gin-eksplekar ang character ni Richard Williams nga isa ka “fierce defender of his family.”
Nagpangayo ini sang pasaylo sa Academy kag sa iya kaangay nga mga nominees.
Suno sa iyam ini ang manami nga moment kag wala ini nagahibi bangud sa award kundi bangud nga siya ang nakahatag sang kasanag sa tanan nga tawo.
Ginpasalamatan man sini ang tanan nga miyembro sang pamilya Williams nga nagsuporta sa iya.
