Ginpahayag ni Department of Interior and Local Government (DILG) Secretary Jonvic Remulla nga ulihi nga nasiplatan si former Congressman Zaldy Co sa Japan.
Ini ang ginpahayag sang tiglikom pila ka oras matapos nga gin-anunsyar ni President Ferdinand Marcos Jr. nga may ginpagwa na nga warrant of arrest batok kay Co kag 17 ka iban pa.
Suno diri, bangud nga may ginfile na nga kaso batok sa anay mamalidha, sarang na nga ma-apply ang red notice sa International Police (Interpol).
Natalana naman nga hingyuon sang DILG sa Department of Foreign Affairs (DFA) nga i-cancel ang passport ni Co.
Apang sa isa ka statement, ginpaathag sang DFA nga sarang lamang nila nga makanselar ang Philippine passport sang isa ka Filipino citizen kun may yara sang gin-issue nga court order nagikan sa isa ka competent court sa pungsod.
Madumduman nga sang tinalikdan nga Setyembre, nagbyahe padulong sa Amerika si Co agud magpabulong.
