Madamo ang nagakalisod kasunod sang pagtaliwan ni former One Direction member Liam Payne matapos nga ini ang mahulog sa 3rd floor sang hotel sa Buenos Aires, Argentina.
Na-ilo sang 31 anyos nga singer ang iya pito ka tuig nga bata sang lalaki nga si Bear.
Suno sa kapulisan, nakit-an nila ang lawas ni Liam matapos makabatun sang tawag gikan sa staff sang hotel
Si Liam ang mas nakilala bilang kabahin sang boyband nga One Direction, nga nahuman sa television singing contest nga X Factor UK sadtong 2010.
Ang grupo nga ginabug-usan nanday Liam Payne, Harry Styles, Louis Tomlinson, Niall Horan kag Zayn Malik ang nag-anunsyar sang “indefinite hiatus” sang 2016.
Sila nga lima ang lunsay nagdesisyon nga magpursue sang solo career.
Nahibaluan nga nagtawag ang hotel manager sang police assistance bangod si Liam nga yara sa impluwensya sang droga kag alcohol ang nagamaoy kag nagapangguba sang mga kagamitan sa iya nga kwarto.
Suno sa manager, may balcony ang kwarto ni Liam kag sila ang nagakabalaka sa mahimo matabo.
Antes paman sang insidente, si Liam ang nakit-an pa nga nagtambong sa concert sang iya former bandmate nga si Niall.
Una naman nga gin-ako ni Liam nga ang kasikatan ang nakatuga sang personal toll sa iya mental health nga nagresulta sa substance abuse.
Sang 2019, ginpahayag sini nga sa pagpatigayon sang ginatos ka concert kag pag-amba sang palarehas nga 22 ka mga kanta sa halos kada adlaw, bisan indi malipayon sila ang nagakapilitan nga maggwa agud magperform.
Suno diri, siya ang naga-inom sang alcohol antes magsaka sa stage agud lamang mamanage ang stress.
Ginrelease ni Liam ang iya debut solo album nga “LP1” sang 2019 kag ginpahayag sang 2023 nga ginatrabaho na sini ang ikaduha nga album.
Sang Marso 2023, ginrelease sini ang single nga “Teardrops,” nga suno sa iya, nahuman gikan sa madamo nga mga luha kag iban diri ang halin mismo sa iya.
