Apisar wala nakadaog sang medalya sa 2024 Paris Olympics, si French pole vaulter Anthony Ammirati ang nakabatun sang offer nga 250,000 dollars ukon masobra P14.4 million.
Ang dako nga kantidad ang gina-offer sang adult website kabaylo sang pagpakita sini sang iya nga kinatawo.
Madumduman nga mas nakilala ang Olympian matapos nga wala sini maclear ang crossbar bangod ini ang naiguan sang iya kinatawo.
Kasunod sini, ginapahayag nga ginpadal-an mismo ni CamSoda vice president Daryn Parker sang offer letter si Ammirati.
Sa porn deal, gina-offer sini ang 250,000 dollars kabaylo ang 60 minutos nga webcam show kun sa diin ipakita sini ang kinatawo, nga wala na ang crossbar.
Madumduman nga madasig nga nangin online sensation si Ammirati kasunod sang pinasahi nga paagi sang pagkapierde.
Nagpabutyag man ang 21 anyos nga atleta partikular na sa French Athletics Federation, sang iya pagkadismaya matapos nga ini ang nangin 12th placer lamang kag wala makalab-ot sa finals.
